《理性與情感的矛盾》

有人話，做小朋友好，因為佢地唔駛諗咁多野。係呀，因為在小朋友的世界入面，佢地係依據佢地的情感去做每一件事，佢地想點做就點做。

但係人大左，慢慢成熟的時候，就會想去理性咁去做每一件事。如果我地繼續依情感去做，自己想點就點，反而又會俾人話你唔識處事，話你仲係好細個。(當然唔係因為怕俾人話而故意改變)

如果要從將理性同情感分開，唔會係一件好難的事，因為理性的一面會有答案，情感分面亦都一樣，但呢兩個答案未必一樣。要在呢兩樣野上面取得平衡，即係又要帶點理性，但又要迎合情感時的抉擇，唔係一件容易的事。

往往就周旋在情感與理性的矛盾入面，應該揀理性定揀情感呢?

理性上我知我應該放手，但情感上我知我唔想放手

理性上我知我唔應該為冇結果的事繼續纏繞，但情感上我知對於自己所愛的事唔應該放棄

理性上我知冇可能，但情感上我知冇野係絕對

理性?情感? 如何取捨?